vaqt-e-safar qariib hai bistar sameT luuN
bikharaa hu_aa hayaat kaa daftar sameT luuN
phir jaane ham milen na milen ik zaraa ruko
main dil ke aa_iine mein ye manzar sameT luuN
Gairon ne jo suluuk kiye un kaa kyaa gilaa
phenke hain doston ne jo patthar sameT luu.N
kal jaane kaise honge kahaaN honge ghar ke log
aaNkhon mein ek baar bharaa ghar sameT luuN
sail-e-nazar bhii Gam kii tamaazat se Khushk ho
vo pyaas hai mile to samandar sameT luuN
'Ajmal' bhaDak rahii hai zamaane mein jitanii aag
jii chaahataa hai siine ke andar sameT luuN
bikharaa hu_aa hayaat kaa daftar sameT luuN
phir jaane ham milen na milen ik zaraa ruko
main dil ke aa_iine mein ye manzar sameT luuN
Gairon ne jo suluuk kiye un kaa kyaa gilaa
phenke hain doston ne jo patthar sameT luu.N
kal jaane kaise honge kahaaN honge ghar ke log
aaNkhon mein ek baar bharaa ghar sameT luuN
sail-e-nazar bhii Gam kii tamaazat se Khushk ho
vo pyaas hai mile to samandar sameT luuN
'Ajmal' bhaDak rahii hai zamaane mein jitanii aag
jii chaahataa hai siine ke andar sameT luuN
