Uss dil ko kisi aur ki Khuwahish nahi hogi

Bhooley sai kabhi unki nawaazish nahi hogi
Khuddaar hain hum sai bhi guzaarish nahi hogi

Hum wo hain jo har derd chupa letey hain dil main
Hum sai kabhi zakhmon ki numaiish nahi hogi

Iss dil main kisi aur ka gham terey alawa
Yeh jurm hai hum sai tou yeh saazish nahi hogi

Likha hun ghazal apni tamanna ke lahoo se
Kya gham hai jo sheron ki sataaiish nahi hogi

Jiss dil main faqat Aarzo_e_ yaar bastey hai
Uss dil ko kisi aur ki Khuwahish nahi hogi