un ke badle hue tevar nahin dekhe jaate

ab chalakte hue saagar nahin dekhe jaate
tauba ke baad ye manzar nahin dekhe jaate

mast kar ke mujhe auron ko laga moonh saaqi
ye karam hosh mein reh kar nahin dekhe jaate

saath har ek ko is raah mein chalna hoga
ishq mein rah_zan-o-rah_bar nahin dekhe jaate

hum ne dekha hai zamaane ka badalna lekin
un ke badle hue tevar nahin dekhe jaate