Tum Mushkurado-

Tum Mushkurado-
Toh Chandrama bhi badalon ki bahein chod,
Humein nihaarein,
Meh barasi meghon ki atkheliyon se humein jagayen,
Paajrii bole, kangan sharmaye
Aur bindiya, chupke se kuch keh jayen…
Bhaunrr nithoor bahaaron ko thaam, titliyonse kali ka parichay karvayen !!!
Tum thahar jao-
Toh mein raat se kahun, woh chup baithen…
Mere kali ki lajaati palkon ko kuch keh lene den,
Mere pedon ki shakhon ko bheeni hawaon se chuu jane den…
Aur lehraati badliyon ko thaam,
Is aakash ko sitaaron se sajaa layen!!!
Tum suno-
Toh mein chaandni se kahun, ke woh balkhaati nadii mein ghuul jayen,
Aur merii Vadhuu ko apni rupehlii barkha mein var layen…
Tum ruko-
Toh mein is maun se kahun, ke woh dheere se, iss chuppi ko bhed…
Merii priya ka ghunghat kholen,
Aur iss dhaara ko apni sarita se mila jayen !!!