sirf khelte hum.......

~¤Akash¤~

Prime VIP
yaad hai mujhe
mera woh waqt....
khelte the hum...
keenchad ho ya mitti ho...
dhoop ho ya baarish ho
sirf khelte the hum
jee bhar kar rote the
jee bhar kar hanste the...
ladte the jhagadte the...
par agle din fir se
khelte the hum....
koi rok nahi...
koi tonk nahi.....
koi gham nahi
koi chinta nahi....
manmaani karte the
aur khelte the hum......
kisi se koi bhed nahi
koi apna nahi
koi paraya nahi....
koi accha nahi...
koi bura nahi.....
koi galat nahi....
koi sahi nahi...
sabke saath milkar..
bas khelte the hum....

ab thoda fark aaya hai
khel me waqt ke sath....
ab hum khud nahi khelte
zindagi khelti hai...
humare saath....
jamane ki rok tonk hai....
sapno ki chinta hai....
dil me gham hai.....
man ka ab koi mol nahi....
kaun hamare aage hai...
kitne humare peeche hain.....
na chate hue bhi ye sab
ab khlte hain hum...
is samajh ne to...
aur bigada hai khel ko..
duniya ki samajh.....
insaan ki samajh.....
paap punya ki samajh....
doosre ki samajh...
apni samjh...
majboor hain apni samajh se...
sab kluch samajhkar bhi...
ye sab khlte hain hum........

kya karoon main
kaise karoon main
jaana chahta hoon
usi waqt me.....
jab sabkuch bhool kar...
sirf khelte hum.......
 
Top