Samnay apnay rukh-e-anwar-e-jana rakhon

TUJH SAY AYE JAN-E-WAFA PYAR MAI AISA RAKHON
APNA DARYA TUJHAY DAY DUN TERA SEHRA RAKHON

CHASHM-E-PURNAM,DIL-E-ZAKHMI,YAE SISAKTI HUI JAN
TERI RAHON MAI BATA AUR MAI KYA KYA RAKHON

RAASTA BHOOL NA JAYE TU KAHIN GHAR KA MERAY
APNAY DARWAZAY PAY IK SHAM-E-FAROZAN RAKHON

MERAY SEENAY MAI CHUPA PYAR AYAN HO JAYE
IS LIYE GAM MAI TERAY CHAAK GIRAIBAAN RAKHON

BAAD TERAY MUJHAY TERI HI TARHA CHAHAY GA
KON AISA HAI BHALA KIS PAY MAI DAWA RAKHON

NAZAR-E-BUD NA KAHIN LAG JAYE KISI ZALIM KI
TUJHAY DUNIYA KI NIGAHON SAY ILEHDA RAKHON

IK NAZAR DEKH ,KAY TASWEER BANA LOON ASIM
SAMNAY APNAY RUKH-E-ANWAR-E-JANA RAKHON