saath bitaye swarnim pal kyuun chura le gayi tu saare

Jeevan ki yeh tanha shamein
kaise guzrein bina tumhare
saath bitaye swarnim pal to
chura le gayin tum saare

dil to dukhta hoga tera bhi
yaad meri bhi aati hogi
par dekh tujhe masroof jahan mein
tadpa bhi na paati hogi

teri khushiyaan tujhe mubarak
hum bin khushiyon ke ji lenge
tha khushiyon ko tujh mein dekha
ab tujhe khushiyon mein dekhenge

mil saka nahin jo tujhko mujhse
nav saathi se wo pyaar mile
jahan barasta sada prem ho
aisa ghar sansaar mile

teri shaamon ka hoga kya kehna
hum ghoomenge maare maare
saath bitaye swarnim pal kyuun
chura le gayi tu saare
saath bitaye swarnim pal kyuun
chura le gayi tu saare