ro ro kar us ki yaad mein sona acha lagta hay

~¤Akash¤~

Prime VIP
us kay bina ab chup chaap rehna acha lagta hay
khamoshi say dard ko sehna acha lagta hay

jis hasti ki yaad mein aanso barstey hain
samnay us kay kuch na kehna acha lagta hay

mil kar us say bichar na jaon darta rehta hoon
is liay bas door hi rehna acha lagta hay

janta hoon keh chahat mein bas aanso miltay hein
kuch bhi ho ab is zehar ko peena acha lagta hay

jee chahay sab khushiyaan la kar us ko day doon
us kay piyar mein sab kuch khona acha lagta hay

us ka milna na milna qismat ki baat hay
pal pal us ki yaad mein roona acha lagta hay

us kay bina sab khushiyaan Wasi ajab si lagti hein
ro ro kar us ki yaad mein sona acha lagta hay
 
Top