puraani ....pad gayee ...yaadon ki diary meri..........

koi samajhtaa nahin..... dost!...... bebasi meri;
mahaanagar ne..... churaa li hai..... zindgi meri.

tumhaari paarthnaa..... ke shabd hain..... thake haare;
sajaa ke dekhiye..... kamre mein.... khaamoshi meri.

mujhe .....bhanwar mein dubo kar.... sisakne lagtaa hai;
bahut ajab hai..... samandar se...... dosti meri.

tumhaare baag kaa maali..... main ban gayaa .....lekin;
kisi bhi phool pe...... marzi .....nahin chali meri.

main.... nange paanv hoon...... joote.... khareed saktaa nahin;
ki.... log isko samajhte hain...... saadgi meri.

khadaa hoon..... mashq liye.... main.... ujaad sahraa mein;
kisi ki pyaas bujhaanaa hai........ bandgi meri.

khudaa ke waaste...... is pe .....na daaliye keechad;
bachi huyee hai..... yahi shirt .....aakhiri meri.

tamaam zakhm mere..... ho gaye..... bahut boodhe;
puraani ....pad gayee ...yaadon ki diary meri..........

GYAAN PRAKAASH VIVEK

mahaanagar=metro