Mujhe raaste me yahin kahin kisi kunj-e-gull main utaar do..

Tumhe jab kabhi mile fursatain,mere dil se bojh utaar do,
Main bohat dino se uddas hon mujhe koi shaam udhaar do,

Mujhe apne roop ke dhup do k chamak sakain mere khal-o-khad,
Mujhe apne rung main rang do,mere sare zung utaar do,

Kisi or ko mere haal se na garaz hai na koi waasta,
Main bikhar gaya hun samet lo,main bigar gaya hon sanwaar do,

Mere wehshaton ko berha diya judaiyon ke azaab ne,
Mere dil pe haath rakho zara, mere dhadkano ko qarar doo,

Tumhe subha kaise lagi kaho,meri khwaishon kay dayar ke,
Jo bhala lage to yahaan raho,Isay chahaton se nikhaar do,

Wahan ghar me koun hai muntazir kay fikar ho der sawer ki,
Bari mukhtasir se ye raat hai isay chandni me guzaar do,

Koi baat karni hai chaand say kisi shaakhsaar ke Oont me,
Mujhe raaste me yahin kahin kisi kunj-e-gull main utaar do...