Meri tarah ka hi mujh main sama gaya ek shakhs

Bana ghulab toh kantaay chobhoo gaya ek shakhs
Hoa cheragh toh ghar hi jaalaa gaya ek shakhs
Tamam rang meray aur saray khawab meray
Fasna thay kay fasana bana gaya ek shakhs
Main kis hawa main udoon kis fiza main lehraoon
Dukhoon kay jaal har ek su bicha gaya ek shakhs
Palat sakoo main na agay hi badh sakoo jis per
Mujhay ye kon say rastay laga gaya ek shakhs
Muhabatain bhi ajeeb us ki nafratain bhi kamal
Meri tarah ka hi mujh main sama gaya ek shakhs