Meri Judaaiyon Se Wo Mil Kar Nahi Gaya Us K Baghair MaiN Bhi

Meri Judaaiyon Se Wo Mil Kar Nahi Gaya
Us K Baghair MaiN Bhi Koii Mar Nahi Gaya

Duniya Mein Ghuum-Phir K Bhi Aisey Laga Mujhey
Jaise MaiN Apni Zaat Se Bahar Nahi Gaya

Kya Khuub Hain Hamaari Taraqqi-Pasandiyaan
Ziiney Bana Liye Koii Oopar Nahin Gaya

Jugraaphiye Ney KaaT Diye Raastey Merey
TaariiKh Ko Gilaa Hai K MaiN Ghar Nahi Gaya

Aisi Koi Ajib Imaarat Thi Zindagi
Baahar Se Jhaanktaa Rahaa Andar Nahi Gaya

Sab Apney Hii Badan Pey “Muzaffar” Sajaa Liye
Vaapas Kisi Taraf Koi Patthar Nahi Gaya

Re: Meri Judaaiyon Se Wo Mil Kar Nahi Gaya Us K Baghair MaiN