mere hathon main kalam thama gaya koi...!!!

~¤Akash¤~

Prime VIP
hume pyar se apna bana gaya koi,
gam main bhi hasna sikha gaya koi.....
...
kion na hoti ashkbaar aankhe,
meri hi kahani mujko suna gaya koi.......
...
do qadam par jab reh gai manzil,
mujhse apna daaman chhura gaya koi......
..
kab tak bacha ke rakhta kanch ka dil,
mujhe pathron se mila gaya koi......
..
aandhiyon ko dikha ke mera ghar,
ek chiraag usme jala gaya koi......
..
uda ke le gaya neenden aankho se,
khwaab aankho main saja gaya koi.....
...
ab yeh nasha shayad ta umar na utre,
jane aankho se kya pila gaya koi.....
...
deke halki si hawa garam sanso ki,
bhari barsaat main aag laga gaya koi......
..
aankho main nami dil pe udasi chhayi hai,
ajj barso ke baad yaad aa gaya koi......
...
cheen ke taqdeer mere hathon se,
mere hathon main kalam thama gaya koi...!!!
 
Top