Mausam Ki Tarah Jis Ne Seekha Hai Badal Jana

Kaanton Se Guzar Jana Sholon Se Nikal Jana
Phoolon Ki Basti Mein Jana To Sambhal Jana

Din Apne Chiraagon Ki Maanind Guzarate Hain
Har Subah Ko Bujh Jana Har Shaam Jal Jana

Bachchon Hi Si Fitrat Hai Hum Ahl_e_Muhabbat Ki
Zid Karna Machal Jana Phir Khud Hi Sambhal Jana

Vo Shakhs Bhalaa Mera Kya Saath Nibhayega
Mausam Ki Tarah Jis Ne Seekha Hai Badal Jana