Main ne barsaat main dekhay hain baraste ansoo

~¤Akash¤~

Prime VIP
Kabhi rotay hain meray saath sisakte ansoo
or kabhi mujh pe yeh sanste hain garajte ansoo

kabhi yeh agg laga detay hain tan man main meray
meray daman pe jo gir jayain sulagte ansoo

kabhi jala ke mujhe khakh kiye detay hain
bohut satate hain mujh ko yeh jhulaste ansoo

kabhi ghut ghut ke meri ankh main reh jate hain
kabhi ankhoo se nikal jate hain machalte ansoo

woh sada khushiyon main dobay rahe kamaal magar
main ne barsaat main dekhay hain baraste ansoo
 
Top