main kyunkar kahu tum aao ki dil kii kashish se vo

main kyunkar kahu tum aao ki dil kii kashish se vo
aayenge daude aap mere ghar kahe baGair

kyaa taab kyaa majaal hamaarii ki bosaa le
lab ko tumhaare lab se milaakar kahe baGair


bedard tu sune naa sune lek dard-e-dil
rehta nahi hai aashiq-e-muztar kahe baGair

taqdir ke siva nahi miltaa kahi se bhi
dilvaataa ai "Zafar" hai muqaddar kahe baGair