Mager aik baat hai hum nasheen

Wo nazar se to dour hain mager ajeeb sorat e haal hai
her waqt pesh e nazar b hain na firaq hai na wisaal hai

na wo hum se gum na hum un se gumwo udher khafa hum idher khafa
na unhein hamara khayal hai na hamein demagh e sawal hai

yehi qurbatein yehi faaslay to khuloos e ishq ke jan hain
kabhi gard e ranj o malal hai kabhi fikr yeh pesh e haal hai

yeh tumhari kaj adaiyan koi aur seh k dikhae to
yeh jo hum mein tum mein nibah hai meray hoslay ka kamal hai

mujhe iska koi b ghum nahi k kisi ne mujh se wafa na ke
main kisi k kam na aa saka mujhe sirf iska malal hai

tere mashwaray k khuloos pe mujhe tark e ishq qubool hai
mager aik baat hai hum nasheen meri zindagi ka sawal hai