magar.... ik raat ki raani.... idhar bhi hai .....udhar bhi

udaasi... dard ....hairaani .....idhar bhi hai...... udhar bhi hai;
abhi tak .....baadh kaa paani .....idhar bhi hai .....udhar bhi hai.

wahaan hain... tyaag ki baatein....... idhar hain ....moksh ke charche;
ye duniyaa.... dhan ki deewaani ....idhar bhi hai... udhar bhi hai.

kabeele bhi ....kahaan khaamosh rahte the..... jo.... ab honge;
ladaai..... ek be-maani ....idhar bhi hai..... udhar bhi hai.

samay hai alwidaa kaa...... aur........ dono ...ho gaye gumsum;
zaraa saa..... aankh mein paani..... idhar bhi hai ....udhar bhi hai.

huyeen aabaad galiyaan.... hat gayaa curfew ......mili raahat;
magar ....kuchh kuchh pashemaani ......idhar bhi hai ....udhar bhi hai.

hamaare aur unke beech..... yun to....... sab alag saa hai;
magar.... ik raat ki raani.... idhar bhi hai .....udhar bhi hai.......

GYAAN PRAKAASH VIVEK
moksh=salvation