Kyon Usi Ka Raha Waqt Ki Baat Hai

Waqt Se Waqt Ki Kya Shikayat Karein
Waqt Hi Na Raha Waqt Ki Baat Hai

Usne Dekha Mujhe Usne Chaaha Mujhe
Usne Thukra Diya Waqt Ki Baat Hai

Koi Mushkil Pari Koi Kaam Aa Gaya
Zehan Mein Uske Jo Mera Naam Aa Gaya

Baad Muddat Ke Woh Doston Ki Tarah
Hum Se Hans Ke Mila Waqt Ki Baat Hai

Zindagi Hum Se Anjaan To Ho Gayi
Ek Rishte Ki Pehchaan To Ho Gayi

Koi Chaahat Na Thi Bas Murrawat Thi
Woh Khud Ko Samjha Liya Waqt Ki Baat Hai

Apna Rang-e-Muhabbat Hai Sab Se Judaa
Koi Pooche To ‘Rashid’ Kahun Aur Kya

Jis ko Paaya Nahi Usko Kho Ker Bhi Main
Kyon Usi Ka Raha Waqt Ki Baat Hai