Kya ho anjam ab Khuda janey…!

Kash hum tum bhi ajnabi hotey,
Jis tarhan aur log hotey hain,
Bey taroun sey lataluq sey
Kash hum tum bhi ajnabi hotey,
Na tasadum na bandish hoti,
Dil mein chahat na khuwaish hoti,
Na wafaoun key silsiley hotey,
Na muhabbat key fasley hotey,
Phir na hoti shikayatein tum sey,
Youn na milti azyatein tum sey,
Bey karari na bey kali hoti,
Youn shikasta na zindagi hoti,
Chor hota na aeina jinka,
Koi lamha na hota mushkil ka,
Hum na miltey teri nighaoun sey,
Youn na do char hotey aahoun sey,
Kar key tujh sey wafa mila kya hai?
Tuney ghum key siwa diya kya hai?
Kitna afsurda kitna tanha hon,
Apni dewangi pey hansta hon,
Mujh ko lamhoun ki ashnayi ney,
Mar dala teri judayi ney,
Ho gaye hum khud sey beganey,
Kya ho anjam ab Khuda janey…!