Kya ab bhi meri jhalak khuwab main nazar atee hai tumhain

Kya ab bhi meri jhalak khuwab main nazar atee hai tumhain
Kya meri har yaad ab bhi raat bhar jagati hai tumhain

Har andhere tumhe mujh tak khench lata tha
Kya ab bhi koi roshni is tarah bolati hai tumhain

Mera har raaz tumhain hawa hi bata jatee thee
Kya ab bhi khushbu mere paigham sunatee hai tumhain

Meri taqleef per wo ankh main nammi ka aa jana
Kya ab bhi meri koi baat rolatee hai tumhain

Tumhara har jazba, tumharee ankh mujh se kah detee
Kya ab bhi wo kuch na kah kar har baat batati hai tumhain

Har awaz pe tumhe mere ane ka hota tha gumaan
Kya ab bhi koi aahat yuun satatee hai tumhain