kuchh tabeeyat hee milee thee aisee, chain se jeene kee soor

kuchh tabeeyat hee milee thee aisee, chain se jeene kee soorat na huee
jisko chaahaa usse apnaa na sake,jo milaa uss se muhabbat na huee

jis se ab tak mile dil hee se mile,dil jo badlaa to fasaanaa badalaa
rasme-duniyaa ko nibhaane ke liye hamse rishton kee tizaarat na huee

door se thaa vo kaee cheharon men,paas se koee bhee vaisaa na lagaa
bevafaaee bhee usee kaa thaa chalan,phir kisee se bhee shikaayat na huee

waqt roothaa rahaa bachche kee tarhaan rah main koee khilonaa na milaa
dostee bhee to nibhaaee na gayee dushmanee main bhee adaavat na huee

Re: kuchh tabeeyat hee milee thee aisee, chain se jeene kee