Koi To Mere Khayalon Mein Chane Wala Ho

Koi To Mere Khayalon Mein Chane Wala Ho
Muhabbat Ke khazane Lutane Wala Ho

Us Ek Shaks ko Duniya Ki Her khushi De Dun
Jo Mere Dard ko Apna Banane Wala Ho

Mujhe Bhi Apni Wafaon Pe Naaz Hai Lekin
Yahan Koi To Wafa Aazmane Wala Ho

Jise Aziz Ho Duniya Idher Ka Rukh Kare
Yahan Wo Aaye Jo Duniya Lutane Wala Ho

khuda Gawah Hai Bari Mushkil Se Milta Hai
Wo Aik Dill Jo Muhabbat Nibhane Wala Ho