koi ......dushman ....na rahaa ho jaise.......

naqsh.... paani pe.... banaa ho jaise;
zindgi........mauj-e-balaa ho jaise.

mujhse .....bach bach ke..... chali hai duniyaa;
mere nazdeek...... khudaa ho jaise.

koi tahreer....... mukammal na huyee;
mujhse..... har lafz .....khafaa ho jaise.

kis kadar ....shahar mein ....sannaataa hai;
ab ke..... koi ......na bachaa ho jaise.

is tarah .....pooj rahi hai duniyaa;
koi ......mujhse bhi ........badaa ho jaise.

raah milti hai ....andheron mein.... mujhe;
koi.......... masroof-e-duaa ho jaise.

mujhko .....aksar.... ye huaa hai mahsoos;
koi ....kuchh.... poochh rahaa ho jaise.

ghar se .....is tarah ......nikal aaye AMEER ;
koi ......dushman ....na rahaa ho jaise.......