Kitab-e-Dil kaa koi bhi waraq saadah nahin hota Nigah uss ko

Kitab-e-Dil kaa koi bhi waraq saadah nahin hota
Nigah uss ko bhi parh lati hay jo likha nahin hota

Usay main dhekta rehta hoon yaadon kay jamhailay may
Nigahon ki tapish say woh kabhi shola nahin hota

Hawa ko choona chahta hoon kay yai uss ko bhi chooti hay
Magar mera junoon mujh say kabhi poora nahin hota

Sunana chahta hoon haal-e-dil jis aik jumlay main
Bikhar jata hay woh jumla kabhi yakjaa nahin hota

Mujhay iss haal tak pohncha diya teri muhabbat nay
Sitam kaisa bhi ho tujh say koi shikwaa nahin hota

Re: Kitab-e-Dil kaa koi bhi waraq saadah nahin hota Nigah us