Kaun ho tum?

Kaun ho tum?
Jo mere dilo-dimag par
Is tarah cha gaye ho

Kaun ho tum
jo is tarah chupke se
Meri jindagi me aa gaye ho

Kabhi door lagte ho , bahut door
Kabhi paas , ek dam paas
Pal men hota hun khush
Pal men udas.

Hari ghas aur hari ho gai hai
Aur neela aasman aur bhi
Neela ho gaya hai
Phir bhi kuchh hai
Jo kho gaya hai.

Kaun ho tum
jo meri neend udathe ho
tum jo mera chain churate ho

tum jo meri dhadkanon men sama gaye ho
tum jo is tarah chupke se
meri jindagi me aa gaye ho

kaun ho?
Kaun ho tum

writer: Unknown
 
Top