~¤Akash¤~
Prime VIP
poochte ho to suno kaise basar hoti hai
raat Khairaat ki sadke ki sahar hoti hai
saaNs bhrane ko to jina nahii kahte yaa rab
dil hi dukhta hai na ab aastiiN tar hoti hai
jaise jaagi hui aaNkhoN meiN chubheN kaaNch ke Khwaab
raat is tarah deewaano ki basar hoti hai
Gham hi dushman hai mera Gham hi ko dil DhooNDhata hai
ek lamhe ki judaaii bhi agar hoti hai
ek markaz ki talaash ek bhaTakati Khushboo
kabhi manzil kabhi tamhiid-e-safar hoti hai