jis ko loat jaana ho us ko duur jaane se raasta badalne se d

~¤Akash¤~

Prime VIP
Koun rok sakta hai..
(NOSHI GILANI)

Laakh zabt e khuwahish k
be-shumaar daaway hon
us ko bhuul jaane k
be-panah iraaday hon
aur us muhabbat ko tark kar k jiine ka
faisla sunaane ko
kitne lafz soche hon
dil ko us ki ahat per
barmala dharakne se koun rok sakta hai
Phir wafa k sehra main
us k narm lehje aur sogwaar aankhon ki
khushbuuon ko chhoone ki
justajuu main rehne se
ruuh tak pighalne se
nange paaon chalne se
koun rok sakta hai
aansuuon ki barish main
chaahe dil k haathon se
hijr k musafir k
paaon tk bhi chhuu aao
jis ko loat jaana ho
us ko duur jaane se
raasta badalne se
duur ja nikalne se
koun rok sakta hai..
 
Top