jinhone ye kahaa aksar... humein avsar nahin milte....

~¤Akash¤~

Prime VIP
hamesha paas rahte hain.. magar pal bhar nahin milte;
bahut chaaho jinhe dil se ....... wohi aksar nahin milte.
zaraa ye to bataao tum; hunar kaise dikhaayen wo?
yahaan jin but-taraashon ko ..sahi patthar nahin milte.
humein aisa nahin lagta yahaan par waar bhi hoga;
yahaan ke log humse to kabhi hans kar nahin milte.
hamaari bhi tamanna thi uden aakaash mein lekin;
vivash ho kar yahi sochaa ....sabhi ko par nahin milte.
gazab ka khauf chhaayaa hai , hua kyaa haadsaa yaaron;
gharon se aajkal bachche humein baahar nahin milte.
haqeeqat mein unhe pahchaan avsar ki nahin kuchh bhi;
jinhone ye kahaa aksar... humein avsar nahin milte....
NITYAANAND TUSHAAR
 
Top