jaise...... patthar kaa jigar...... cheer kar.... jharnaa ni

kaash ! .....us se meraa....... furqat kaa hi...... rishtaa nikle;
raastaa koi...... kisi tarah ........wahaan jaa nikle.

lutf lautaayenge ab....... sookhte hothon kaa...... use;
ek muddat se tamannaa thi....... wo..... pyaasaa nikle.

phool saa thaa jo teraa saath.......... tere....... saath gayaa;
ab to...... jab nikle ....kabhi shaam ko....... tanhaa nikle.

hum..... faqeeraanaa mizaajon ki na poochho.... bhaayee;
humne .....sahraa mein pukaaraa hai.... to.... dariyaa nikle.

pahle ek ghaav thaa..... ab.... saaraa badan...... chhalni hai;
ye shifaa bakhshi! ...... ye tum ....kaise ....maseehaa nikle!!

mat kuredo........ na kuredo....... meri .....yaadon ke alaav;
kyaa khabar..... fir...... wo.... sulagtaa huaa lamhaa nikle.

humne rokaa to bahut...... fir bhi...... yun nikle aansoo;
jaise...... patthar kaa jigar...... cheer kar.... jharnaa nikle........

TUFAIL CHATURVEDI