jaise mandir mein juhk kar maatha tekta hai koi.

band khidkiyon ke peeche pardon se dekhta hai koi,
mere dil ke zakhmo pe apna haath pherta hai koi,

yun chup jaata hai chand badlon ke peeche,
lika chupi ka khel uske saath khelta hai koi,

sunti hoon mein na jane kiski awaz dil ke andar se,
mere dil ke andar baithkar mujse kuch bolta hai koi,

chu chu ke mujhe hawa kuch yun muskurati hai,
mujhe chune ke liye jaise ise bhejta hai,

dabi dabi si yaadein yunhi darr jati hain,
jaise un pe rengta hai koi,

aaj bhi saham jati hoon mein uske pyar ke ehsaas se,
yun lagta hai unchaiyon pe laake neeche fekta hai koi,

simta simta sa reh gaya hai mera pyar yaadon mein,
jaise sard mausam ki raat mein khuli aag mein haath sekta hai koi,

ek lamha mohabbat ka kuch yun mila mujhse,
jaise mandir mein juhk kar maatha tekta hai koi.