Jab bhi zulmat ko koi had say barha deta hai mera khaliq

JAB BHI ZULMAT KO KOI HAD SAY BARHA DETA HAI

MERA KHALIQ BHI NAI SHAMMA JALA DETA HAI


HAM SAY ULJHO GAY TO PACHTAO GAY AE AHL-E-JAHAN

JABR-E-PEHAM HAMAIN IK AZM NAYA DETA HAI


TEER-O-TALWAR K ZAKHMON SAY DARAIN GAY NA KABHI

HAM TO WOH HAIN K JINHAIN DARD MAZA DETA HAI


HAATH PHELA NA KABHI AHL-E-JAHAN K AGAY

MANGNAY SAY BHALA KOI KISAY KYA DETA HAI


MERI AUQAAT KYA MAMNOON HOON KHALIQ KA K WOH

MERAY TOOTAY HUAYE LAFZON KO SAJA DETA HAI


JAB BHI ASIM SAY KISI SHAIR KI FARMAISH HO

JOSH MAI AA K YAHI NAZM SUNA DETA HAI