Isiliye Tumhe Uski Wajah Batana Bhi Zaruri Hai...

Ek Din Meri Saanson Ne Yuhi Puch Liya Mujhse,
Kyu Unhe Tum Apni Saanson Me Basate Ho,
Dil Me Toh Unhe Bitha Hi Rakkha Hai,
Kya Saanson Me Unhe Basana Zaruri Hai,


Maine Kaha Har Sawal Ka Toh Hum,
Humesha Jawab Diya Nahi Karte,
Lekin Tumne Jo Puccha Hai Sawal,
Ye Sawal Mere Liye Bahut Zaruri Hai,


Jinhe Humne Apne Dil Me Humesha,
Har Pal K Liye Jagah De Di,
Ye Sab Toh Theek Hai,
Hume Koi Shikwa Nahi Tumse,


Lekin Shayad Tum Ye Nahi Jaante,
Ki Dil Ki Wajah Se Dhadkan Chalti Hai,
Aur Dhadkano K Chalne se Saansein,
Aur Saanson K Chalne Se Zindagi Chalti Hai,


Har Chiz K Chalne Ki Koi Wajah Hoti Hai,
Aur Meri Dhadkan Jab Unhi K Liye Chalti Hai,
In Saanson K Chalne Ki Wajah Bhi Hai Wohi,
Isiliye Tumhe Uski Wajah Batana Bhi Zaruri Hai...