is se pahale

is se pahale ke bevafaa ho jaayen
kyon na ai dost ham judaa ho jaayen

tuu bhii hiire se ban gayaa patthar
ham bhii kal kyaa se kyaa ho jaayen

ham bhii majabuuriyon kaa uzr karen
aur kahiin aur mubtalaa ho jaayen

ishq bhii khel hai nasiibon kaa
Khaak ho jaayen kimiyaa ho jaayen

ab ke gar tuu mile to ham tujh se
aise lipaTe.n terii qabaa ho jaayen

bandagii ham ne chho.D dii hai 'Faraz'
kyaa karen log jab Khudaa ho jaayen
 
Top