is qadar musal_sal thiin shiddaten judaa_ii kii
aaj pahalii baar main ne us bevafaa_ii kii
varanaa ab talak yuuN thaa Khvaahishon kii baarish mein
yaa to TuuT kar royaa yaa Gazal_saraa_ii kii
taj diyaa thaa kal jin ko ham ne terii chaahat mein
aaj un se majabuuran taazaa aashanaa_ii kii
ho chalaa thaa jab mujh ko iKhtilaaf apane se
tuune kis gha.Dii zaalim merii ham_navaa_ii kii
tanz-o-taanaa-o-tohamat sab hunar hain naaseh ke
aap se ko_ii puuchhe ham ne kyaa buraa_ii kii
phir qafas mein shor uTThaa qaidiyon kaa aur sayyaad
dekhanaa uDaa degaa phir Khabar rihaa_ii kii
aaj pahalii baar main ne us bevafaa_ii kii
varanaa ab talak yuuN thaa Khvaahishon kii baarish mein
yaa to TuuT kar royaa yaa Gazal_saraa_ii kii
taj diyaa thaa kal jin ko ham ne terii chaahat mein
aaj un se majabuuran taazaa aashanaa_ii kii
ho chalaa thaa jab mujh ko iKhtilaaf apane se
tuune kis gha.Dii zaalim merii ham_navaa_ii kii
tanz-o-taanaa-o-tohamat sab hunar hain naaseh ke
aap se ko_ii puuchhe ham ne kyaa buraa_ii kii
phir qafas mein shor uTThaa qaidiyon kaa aur sayyaad
dekhanaa uDaa degaa phir Khabar rihaa_ii kii