is dar se uthoge to koi dar na milega

bhiigi hui aankhon kaa ye manzar na milega
ghar chhor ke mat jaao kahin ghar na milega

phir yaad buhat aayegi zulfon kii ghani shaam
jab dhuup main saayaa koi sar par na milega

aansu ko kabhii os kaa qatara na samajhana
aisa tumhain chaahat kaa samundar na milega

is Khvaab ke maahaul main be-Khvaab hain aankhen
baazaar main aisaa koi zevar na milegaa

ye soch lo ab aaKhiri saayaa hai muhabbat
is dar se uthoge to koi dar na milega