In sabke saath mere liye kya tum wapas lautoge?

kya tum wapas lautoge?
Main andar ghut raha hoon
Tapte suraj ki tareh jal raha hoon
Shitalta ki mujhe phuhaar dene
kya tum wapas lautoge?

Apne kadmon se zamee naapte
Jane kis raah chal raha hoon
In behke hue kadmon ko raah dikhane
kya tum wapas lautoge?

Haath soona,chehra tha ye badrang
Na thi khusi,na thi umang
Chehra mera tha aansuon sang
Is khaare jal ko pochne
kya tum wapas lautoge?

Meri banawti hansi ka har pal hota hisaab
Har baar milte kataksh
In sabko niruttar karne
kya tum wapas lautoge?

Mere chehre par muskarahat lane
Mere sapno ko mujhe dikhane
Meri abhilashaon ko jagaane
Mere vishwaas ko badaane
kya tum wapas lautoge?

Apne dukh bhare palo ko baatne
Kisi se jo na keh sake
Wo sab hame batane
Jeevan ka har karwa anubhav
Hamare sang baatne
kya tum wapas lautoge?

Meri samvednaon ka samman karne
Meri praathnaon ka maan rakhne
Mere intzaar ko khatm karne
In sabke saath mere liye
kya tum wapas lautoge?

Tfs....