hum naseebon se ladey the jinhen paane ke liye

dost milte hain yahaan dil ko dukhaane ke liye
ungliyaan rakhte hain vo hum pe uthaane ke liye

kya kasoor un ka ye ik rasm chali aayi hai
tohmaten hoti hain duniya mein lagaane ke liye

naakhuda maan ke baithe hain jin ki kashti mein
vo humein maujon mein laaye the dubaane ke liye

vo havaaon ki tarah rukh ko badal lete hain
hum naseebon se ladey the jinhen paane ke liye