Hamain Dil Say Pukaro Gay, Hamain Tum Saath Pao Gay.....

Mujhay Bas Itna Kehna Hay,
Kabhi Main Yaad Aaoon To,

Kabhi Tanhai Ki Raatain,
Tumhain Ziada Sataein To,

Kabhi Titli Na Bolay To,
Aur Jugnoo Lout Jaye To,

Kabhi Jab Dil Bhi Bhar Jaye,
Koi Jab Sun Na Paye To,

Agar Sab Dost Sathi Bhi,
Jo Tum Say Rooth Jaaein To,

Kabhi Jab Khud Say Lar Lar Kar,
Thakan Say Choor Ho Jao,

Kabhi Chahtay Huay Bhi Khud,
Akelay Ro Na Paao To,


Apni Aankhon Ko Band Karna,
Mujhay Aawaz Day Dena,

Aur Phir Meray Tasawwur Say,
Jo Chaho Batein Keh Dena,

Meray Kaandhay Pay Sar Rakh Kar
Tum Jitna Chaho Ro Lena,

Phir Khud Main Jab Loat Jao To,
Us Hi Duniya main Chalay Jana,

Magar Bas Itna Kehna Hay,
Ke Jab Bhi Dukh Ya Khushiyon Main

Hamain Dil Say Pukaro Gay,
Hamain Tum Saath Pao Gay.....