gawaahi dene waale .....waaqeyaa..... tabdeel kar lete...

kahin...... tum apni kismat kaa likhaa....... tabdeel kar lete;
to..... shaayad..... hum bhi .........apnaa raastaa ....tabdeel kar lete.

agar..... hum ......waakayee kam-hauslaa hote........ mohabbat mein;
marz....... badhne se pahle hi............ dawaa ......tabdeel kar lete.

tumhaare saath chalne par..... jo......... dil raaji nahin hotaa;
bahut pahle..... hum .....apnaa faislaa........ tabdeel kar lete.

tumhein .......in mausamon ki kyaa khabar milti...... agar ......hum bhi;
ghutan ke khauf se .........aab-o-hawaa .......tabdeel kar lete.

tumhaari tarah..... jeene kaa hunar aataa....... to fir ......shaayad;
makaan apnaa wahi rakhte...... pataa.......... tabdeel kar lete.

judaayee bhi na hoti .......zindgi bhi .......sahal ho jaati;
jo..... hum ek doosre se ......mas-alaa .....tabdeel kar lete.

hameshaa ki tarah..... is baar bhi...... hum.... bol uthe..... warnaa;
gawaahi dene waale .....waaqeyaa..... tabdeel kar lete...

SALEEM KAUSAR