ek anjaan se tuufaa.N ke liye vaqf na ho...

Ahmed Faraz

mai.n to aavaaraa shaayar huu.N merii kyaa vaqa'at
ek do giit pareshaan se gaa letaa huu.N

gahe gahe kisii naakaam sharaabii kii tarah
ek do zahar ke saaGar bhii cha.Dhaa letaa huu.N

tuu ke ik vaadii-e-gul_rang kii shah_zaadii hai
ek bekaar se insaa.N ke liye vaqf na ho

tere Khvaabo.n ke jaziiro.n me.n ba.Dii raunaq hai
ek anjaan se tuufaa.N ke liye vaqf na ho...