duriyoo ke baad bhi dono me kurbat HAI TO HAI !!!!

woh nahi meri magar usese mohabbat HAI TO HAI,
yeh agar rasmo riwaaz se bagaawat HAI TO HAI !

sach ko maine sach kaha jab keh diya to keh diya,
ab zamaane ki nazar me ye himaakat HAI TO HAI !

kab kaha maine ki woh mil jaaye mujhko main use,
gair na ho jaaye bas itni hasrat HAI TO HAI,

jal gaya parwaana to shama ki isme kya khata,
raat bhar jalna jalaana uski kismat HAI TO HAI !

dost bankar dushman sa woh sataate hai mujhko,
fir bhi us zaalim pe marna apni fitrat HAI TO HAI !

dur the dur hai hardam zamee aasma,
duriyoo ke baad bhi dono me kurbat HAI TO HAI !!!!