duniya ki haqeekat kia kehiye kuch yaad rahi kuch bhool gaye

Kuch Maazi Kay Aiyaar Sajan

rodad-e-muhabbat kia kehiye kuch yaad rahi kuch bhool gaye
do din ki musarat kia kehiye kuch yaad rahi kuch bhool gaye

ab waqt kay nazuk hontoon per majhrooh teranum-o-rukhsaan hai
beydaar-e-masiyat kia kehiye kuch yaad rahi kuch bhool gaye

kuch haal kay andhay sathi thay kuch maazi kay aiyaar sajan
ahbaab ki chahat kia kehiye kuch yaad rahi kuch bhool gaye

kantoon say bhara hai damam dil-e-shabnum say sulagti hain ankhain
phooloon ki sakawat kia kehiye kuch yaad rahi kuch bhool gaye

ab apni haqekat bhi sagir bey rabt khani lagti hai
duniya ki haqeekat kia kehiye kuch yaad rahi kuch bhool gaye