Dariya-e-gam ke paar utar jayen ham to kya...!!

Zinda rahein to kya hai jo mar jayen ham to kya
Duniya se khamoshi se guzar jayen ham to kya

Hasti hi apni kya hai Zamane ke samney
Ik khawab hain jahan mein bikher jayen ham to kya

Ab kon muntazir hai hamarey liye wahan
Shaam aa gyee loat ghar jayen ham to kya

Dil ki khalish to sath rahe gi tamaam umar
Dariya-e-gam ke paar utar jayen ham to kya...!!