bujh jaao to kyaa jal jaao to kyaa

kuch din to baso merii aankhon mein
phir khvaab agar ho jaao to kyaa

koii ra.ng to do mere chehare ko
phir zakhm agar mahakaao to kyaa

ek aaiinaa thaa so tuut gayaa
ab khud se agar sharmaao to kyaa

main tanahaa thii main tanahaa huu.n
tum aao to kyaa na aao to kyaa

jab ham hii na mahake phir saahib
tum baad-e-sabaa kahalaao to kyaa

jab dekhane vaalaa koii nahiin
bujh jaao to kyaa jal jaao to kyaa