bashar ko ishq se jab aagahi nahi hoti

Pardeep

๑۩۩๑┼●ℛŐŶ


bashar ko ishq se jab aagahi nahi hoti
ye zindagi bhi kabhi zindagi nahi hoti

wo aaye ghar pe hammare,magar raqeeb ke sath
ye dosti hai to phir dushmani nahi hoti

ye kis ghareeb ka dil bujh gaya ke mehfil mein
chiragh jalte hain aur roshni nahi hoti

kuch iss tarah se tabbiyat ne gham nawaza hai
wo aayen bhi to hamen ab khushi nahi hoti

nigaah e khaas se dekho to baat hai,warna
har ek nigaah mohabbat bhari nahi hoti

FAQAT JABEEN KA JHUKANA TO KOI BAAT NAHI
AGAR YE DIL NA JHUKE,,BANDAGI NAHI HOTI

 
Top