baat unki hai..... jo..... sheeshe kaa.... badan rakhte hain

hans ke milte hain ......bhale..... dil mein .....chubhan rakhte hain;
hum se ....kuchh log...... mohabbat kaa...... chalan rakhte hain.

paanv thakne kaa .....to mumkin hai ......mudaawaa..... lekin;
log .....pairon mein nahin..... man mein..... thakan rakhte hain.

theek ho jaaoge...... kahte huye....... moonh fer liyaa;
haay!....kyaa khoob..... wo..... beemaar kaa..... man rakhte hain.

daur-e-pasti hai..... sabaa!... warnaa..... tujhe batlaate;
apni parwaaz mein ....hum....... kitne gagan rakhte hain.

hum to .....haalaat ke pathraav ko ......sah lenge NASEEM;
baat unki hai..... jo..... sheeshe kaa.... badan rakhte hain.........

MANGAL NASEEM
parwaaz=udaan;
gagan=sky,aakaash