baaqi sub kuch maaya ho

farz karo hum ehl-e-wafa hon
farz karo diwaane hon
farz karo yeh dono baaten
jhooti hon afsaane hon
farz karo tumhe khush karne ke
dhoondhe hum ne bahaane hon
farz karo yeh nain tumhare
such much ke maikhaane hon
farz karo yeh rog ho jhoota
jhooti preet hamaari ho
farz karo is preet ke rog mein
saanse bhi hum par bhaari ho
farz karo yeh jee ki bipdaa
jee se jor sunaai ho
farz karo abhi aur ho itni
aadhi hum ne chupai ho
farz karo yeh jog bajog ka
hum ne dhong rachaya ho
farz karo bus yehi haqeeqat
baaqi sub kuch maaya ho