Baanhon mein wo aa jayain Main un ko Mana longa

Wo samne aye to nazron ko Jhukaa longa
Dekhoon ga nahi phir bhi Tasweer bana longa

Aana ho to aa jao Ruswayee nahi hogi
Dekhe ga nahi koi Palkon mein chupa longa

Jo Hum per Guzarni hai aik bar Guzar jaye
Har Gum ki tarha Tujh ko Seene se laga longa

Weeran agar Dil ho Ankhon mein Andhera ho
Yaadon ke Diye Apni Palkon mein Saja longa

Manzoor agar ho gi Ruswayee Teri Mujh ko
Main beth ke Sahil se Toofaan utha longa

Naraaz agar wo hain mere Nasheman se,
Main Apnay Nasheman ke Tinkon ko hata longa

Kyon Mujh se Khafa ho ker wo door gaye
Baanhon mein wo aa jayain Main un ko Mana longa