ab kahaan mera thikaana hai kahaan tera mehal !!!

tu kisi aur ki taqdeer hai ae jaan-e-ghazal
log tufaan utha denge mere saath na chal
pehle haq tha teri chaahat ke chaman par mera
pehle haq tha teri khushbu-e-badan par mera
ab mera pyaar tere pyaar ka haq-daar nahi
main tere gesu-o-rukhsaar ka haq-daar nahi
ab kisi aur ke shaano pe hai tera aanchal....
main tere pyaar se ghar apna banaau kaise
main teri maang sitaaron se sajaau kaise
meri kismat mein nahi pyaar ki khushboo shayad
mere haathon ki lakeeron mein nahi tu shayad
apni taqdeer bana mera muqaddar na badal....
mujh se kehti hain yeh khamosh nigaahein teri
meri parvaaz se oonchi hain panaahein meri
aur gairat-e-ehsaas pe sharminda hoon....
ab kisi aur ki baahon mein hain baahein teri
ab kahaan mera thikaana hai kahaan tera mehal !!!